AF232: 52v

ġazel‑i Şemʿī

remel: fāʿilātün ‑ fāʿilātün ‑ fāʿilātün ‑ fāʿilün

1 Germ olursın ey felek gün yüzlü cānānuñ‑mı var
Ṣubḥ olunca sīnede bir māh‑i tābānuñ‑mı var

2 Ḥātem‑i laʿlüñe nerm ėtdüñ cihānı ey perī
ʿĀlem[i] mūm eyledüñ mihr‑i Süleymānuñ‑mı var

3 Sidreye baş egmeyüb Ṭūbāya vėrmezsin selām
Ey göñül yanuñda bir serv‑i ḥırāmānuñ‑mı [!] var

4 Yėrde gökde mis̱l[i] yoq bir āfitābum var benüm
Ey felek yaʿnī senüñ‑de māh‑i tābānuñ‑mı var

5 Başuñı oda yaqup feryād ėderseñ Şemʿiyā
Cevr[i] çoq dünyā gibi ẓulm ıssı sulṭānuñ‑mı var